ᓄᓇᕕᒻᒥᐅᑦ ᓱᖏᐅᑎᓯᒪᑐᐃᓐᓇᐅᓕᕐᖁᑦ ᐊᔪᐃᓐᓇᕆᐊᖃᕐᓇᑐᓄᑦ ᐱᕙᓪᓕᐊᒍᑏᑦ ᑌᒣᑦᑐᓕᐊᖏᓐᓄᑦ. 1975-ᒥ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᖅ ᐃᓕᑕᕐᓯᒍᑕᐅᓚᐅᕐᓯᒪᕗᖅ ᓄᓇᕕᐅᑉ ᐃᓄᖏᑦᑕ ᐱᔪᓐᓇᓂᖃᕈᑎᖏᓐᓂᒃ ᓄᓇᒥ ᐊᖏᔪᕐᔪᐊᕌᓗᒻᒥ, ᐱᑎᑦᓯᒍᑕᐅᑦᓱᓂ ᐱᖁᔭᑎᒍᑦ ᐃᓕᑕᕐᓇᓂᕐᒥᒃ ᐊᒻᒪᓗ ᐊᑦᔨᐅᖏᑦᑐᒥᒃ ᒪᓕᒐᖃᕐᑎᓯᒍᓯᕐᒥᒃ ᑕᒪᑐᒪ ᐊᐅᓚᑕᐅᓂᖓᓄᑦ. 2002-ᒥ ᐋᕐᕿᑕᐅᓚᐅᔪᔪᖅ ᓴᓇᕐᕈᑎᒃ ᐊᖏᖃᑎᒌᓐᓂᖅ ᒪᑭᑦᓯᓚᐅᔪᕗᖅ ᓄᑖᒥᒃ ᓄᓇᕐᔪᐊᓕᓐᓂᒃ-ᓄᓇᕐᔪᐊᓕᓐᓄᑦ ᐊᑦᑐᐊᒍᑎᓂᕐᒥᒃ ᓄᓇᕕᒻᒧᑦ ᐊᒻᒪᓗ ᑯᐯᒻᒧᑦ ᐊᒻᒪᓗ ᑫᒥᑦᓯᒍᑕᐅᑦᓱᓂ ᑕᒣᓐᓄᑦ ᑕᑯᓐᓇᒐᖃᕈᑎᒥᒃ ᒪᑭᑕᐅᑏᑦ ᐊᒻᒪᓗ ᓄᓇᓖᑦ ᐱᕙᓪᓕᐊᓂᑦᓴᖏᓐᓂᒃ. ᑭᓯᐊᓂ, ᓯᓚᕐᔪᐊᒥᐅᑦ ᐅᔭᕋᕐᓃᑐᓂᒃ ᐱᕙᓪᓕᖁᑎᓂᒃ ᐃᒪᓕᕆᓂᒃᑯᓗ ᐱᕙᓪᓕᖁᑎᑦᓴᓂᒃ ᐱᔪᒪᓂᖏᑦ ᓱᑌᔭᒻᒪᕆᓪᓗᑎᒃ ᐱᕈᕐᓂᐊᑐᕆᔭᐅᑎᓪᓗᒋᑦ, ᒫᓐᓇᓴᐅᑎᒋᒃ
ᐊᔪᐃᓐᓇᓂᖃᕆᐊᖃᓕᕐᑐᖅ ᑕᒪᒃᑯᐊ ᐱᕙᓪᓕᐊᒍᑏᑦ ᑭᖑᓂᑦᓴᑎᓐᓂᒃ ᓇᖏᐊᕐᓇᑐᒨᕆᓂᐊᙱᒪᑕ.
ᓯᑉᑎᒻᐱᕆ 25, 2010-ᒥ, ᐸᕐᓇᓯᒪᐅᑎᒃ ᓄᓇᕕᒻᒥ ᐋᕐᕿᓱᕐᑕᐅᓚᐅᔪᑦᓱᓂ ᓄᓇᓕᓕᒫᓅᓕᖓᔪᓄᑦ ᑎᒥᐅᔪᓄᑦ ᑯᐯᒃᑯᑦ ᓵᖓᓐᓅᑕᐅᓚᐅᔪᕗᖅ ᑐᙵᕕᙳᓱᓂᓗ ᐅᓪᓗᒥ ᐅᖃᖃᑎᒌᓐᓂᐅᓕᕐᑐᓄᑦ ᖃᓄᐃᓕᖓᓗᓂ ᓄᓇᓕᒫᑎᒍᑦ ᐱᕙᓪᓕᐊᓂᐅᑉ ᐱᐅᓯᖃᕐᑐᓴᐅᓂᖓ ᐱᑦᔪᑕᐅᑎᓪᓗᒍ. ᐸᕐᓇᓯᒪᐅᑎᒃ ᓄᓇᕕᒻᒥ ᓇᑉᐸᑎᕐᕕᒋᑦᓱᒍ, ᑕᒪᓐᓇᐅᓕᕐᑐᖅ ᐸᕐᓇᓯᒪᐅᑎᒃ ᐱᐅᓯᑦᓴᐅᕗᖅ ᐱᙳᑎᑦᓯᒍᑕᐅᓚᖓᑦᓱᓂᓱᓇᒥᑦᓯᓯᐊᕐᑐᒥᒃ ᑕᑯᓐᓇᒐᖃᕈᑎᒥᒃ ᓄᓇᑦᑎᓂ ᐱᕙᓪᓕᐊᓂᕐᒥᒃ.
ᑕᑯᓐᓇᒐᕐᒥᒃ ᐊᑐᕐᓗᒍ ᓴᐳᑦᔨᓚᖓᔪᒥᒃ ᐱᕙᓪᓕᑎᑦᓯᓗᓂᓗ ᐃᓄᐃᑦ ᐃᓅᓯᑐᖃᖓᓐᓂᒃ (ᐃᓗᕐᖁᓯᕗᑦ, ᖃᓄᐃᑦᑐᓴᔭᐅᓂᕗᑦ ᐊᒻᒪᓗ ᐅᖃᐅᓯᕗᑦ), ᐊᒻᒪᓗ ᐊᑐᕐᓗᒍ ᓄᓇᕕᒻᒥᐅᑦ ᓇᓗᓀᕐᓯᒍᑎᒋᓚᖓᔭᖓᓂᒃ ᖃᓄᐃᓕᖓᔪᓂᒃ ᒪᓕᒐᖃᕐᓗᓂ ᓄᓇᑦᑕ ᐱᕙᓪᓕᐊᓂᐊᕐᓂᖓᓂᒃ.
ᐸᕐᓇᓯᒪᐅᑎᒃ ᐱᔪᓐᓇᓯᒍᑕᐅᕗᖅ ᓄᓇᕕᒻᒥᐅᓕᒫᑦ ᕿᒥᕐᕈᖃᑎᒌᓐᓂᖓᓂᒃ ᐊᒥᓱᐃᓕᕐᕿᖓᔪᓂᒃ ᐃᓅᓯᑦᑕ ᐃᓗᓕᖏᓐᓂᒃ (ᑭᓇᒃᑰᓂᕗᑦ, ᓄᓇᓕᕗᑦ ᐊᒻᒪᓗ ᓄᓇᕗᑦ) ᐊᒻᒪᓗ ᓄᐃᑦᓯᒋᐊᕐᓂᒥᒃ ᒪᑭᑕᒐᑦᓴᓗᐊᒥᒃ
ᐱᕙᓪᓕᐊᓂᒍᑎᑎᒍᑦ ᐃᑦᔪᐊᕋᑦᓴᓯᐊᒥᒃ ᑕᒣᓐᓄᑦ ᐊᖏᕐᓯᒪᔭᐅᓚᖓᔪᒥᒃ. ᓄᓇᓕᓐᓂᒃ ᑲᑎᒪᑎᑦᓯᓃᑦ ᐸᕐᓇᕈᑕᐅᓯᒪᔪᑦ ᐊᑐᖃᑦᑕᓚᖓᑎᓪᓗᒋᑦ 2013-ᓕᒫᒥ.
